मंगळवेढा न्यूज रोहित पवार विशेष बातमीपत्र.
'फक्त नावापुढं साहेब लावणं सोप्पं असतंय. पण लोकांच्या मनातील साहेब होणं कोणाचंही काम नाही'...
हे शब्द आहेत राष्ट्रवादी काँग्रेसचे आमदार रोहित पवार यांचे. राष्ट्रवादी काँग्रेसचे अध्यक्ष शरद पवार यांची मुंबईत भेट घेतल्यानंतर त्यांनी हे ट्वीट केलं आहे. हे ट्वीट मोठ्या प्रमाणावर व्हायरल झालं आहे.
शरद पवार यांचं मुंबईतील निवासस्थान असलेल्या 'सिल्व्हर ओक' येथील कर्मचारी व पवारांच्या सुरक्षा रक्षकांना करोनाची लागण झाली आहे. यानंतर करोनाच्या अनुषंगानं शरद पवार यांच्याही सर्व चाचण्या करण्यात आल्या. त्यांचा रिपोर्ट निगेटिव्ह आल्यामुळं कार्यकर्त्यांना मोठा दिलासा मिळाला आहे. असे असले तरी नेते व कार्यकर्त्यांकडून त्यांच्या प्रकृतीची विचारपूस सुरूच आहे. रोहित पवार यांनीही काल आपल्या आजोबांची भेट घेतली व त्यांच्या प्रकृतीची विचारपूस केली. तेव्हा त्यांना आलेला अनुभव सांगताना त्यांनी एक ट्वीट केलं आहे.
'साहेबांचे काही सुरक्षारक्षक पॉझिटिव्ह निघाल्याने काल साहेबांना भेटलो. पण स्वतःपेक्षा सुरक्षा रक्षक, करोनाचं संकट, पूरस्थिती, करोना वॉरियर्स व लोकांचीच अधिक काळजी करताना ते दिसले. फक्त नावापुढं साहेब लावणं सोप्पं असतंय. पण लोकांच्या मनातील साहेब होणं कोणाचंही काम नाही,' असं रोहित यांनी ट्वीटमध्ये म्हटलं आहे. रोहित पवारांनी हा टोला नेमका कोणाला हाणलाय, याची चर्चा आता सुरू झाली आहे.
राज्यातील महत्वाच्या बातम्या सर्वात आधी पाहण्यासाठी मंगळवेढा न्यूज ला subscribe करा.
إرسال تعليق